සිංහල සිනමාවේ ප්‍රශ්නය හර්ෂවත් සුනෙත් මාලිංගවත් නෙවෙයි….. උත්තරය ආරියරත්නවත් සෝමරත්නවත් , උදයකාන්තවත් නෙවෙයි

0 1,245

සිනමවේ මණ්ඩලේ කචල් චිත්‍රපට අධ්‍යක්ෂ

නිහාල් බන්ඩාර පිළිතුරු දෙයි

චිත්‍රපට අධ්‍යක්ෂ නිහාල් බන්ඩාර

රෝගියා ඇදේ වැතිර සිටියි. ඇද අසල සවිකල යන්ත්‍රවල කොලපාට ඉරි අමාරුවෙන් උඩ පැනපැන යයි. ඔක්සිජන් සේලයින් නහයෙන් කටෙන් ගැසූ රෝගියාට මේ කිසිවක් නොදැනෙයි. හේ මරණාසන්නය.

තාත්තා මරණ මංචකයේ සිටින අතර ඉඩකඩම් ප්‍රශ්න, ඉන් එහාට ගිය මල්ශාලාව, නෙස්කැෆේ මෙෂින්, කනත්ත, ආදාහනාගාර වැනි ප්‍රශ්න ගැන වාද විවාද කරමින් දුදරුවන් මරා ගනිති. කෙනෙක් තාත්තා මරාගන්නේ තොපි යැයි කියමින් එකිනෙකා මරාගන්නා මුත් තවම ලෙඩා මැරී නැත. එහෙත් දැන් කථාව තාත්තාව ජිවත් කිරීම ගැන නොව මරාගත්තේ කවුද යන්නය.ඇත්තනම් තාත්තාට කවුරුත් නියම ලෙඬේට බෙහෙත් නොකල බවය. නොසැලකුබවය. අන්තිම දක්වාත් සුරාගෙන කෑමට ඇති තරගයක් හැර දරුවන් විදිහට අපි ගෙඩනැගූ දෙයක් නැත.

 

මේ කථාව මෙහෙම කියන්න වෙන්නේ මේදිනවල චිත්‍රපට අධ්‍යකෂ හර්ෂ සහෝදරයා සහ ප්‍රියන්ත සහෝදරයා අතර කොළඹ සන්නිය ගැන සිදුව ඇති මරාගැනීමය. සොයුරනි තවම අපිට කල හැකි කලයුතුදේ අපමණව ඇති නමුත් අප මේ මොහොතේ නොකලයුතුම දෙයක නියැලි සිටිමු. චිත්‍රපටයක් ගැන බෙදාහරින්නට විචාරකයන්ට බොහෝදේ කිව හැකි නමුත් චිත්‍රපට නිෂ්පාදකවරයාටද අවසානයේ බොහෝ දේ කතා කළ හැකි නමුත් අන්තිමට පොල්ගෙඩි 10ට අධ්‍යකෂවරයා හිරේ ගියත් බැංකු හොරකම් ගැන කථා නොකිරීම අපේ අවාසනාවකි.
බුරුත – තේක්ක ලීයෙන් දාන කැටයම් කොට්ට ලෑල්ලට දාන්ට බැරි බව කැටයම් කරුවාත් නොදන්නවා නොවේ. තේක්ක නැත්තං මොනවා කරන්ටද සහෝ. මේ රටේ අපි වෘත්තීය මට්ටමින් ටිකක් පහළ බව නොරහසකි. නමුත් අපි විතරද සිනමාවට සම්බන්ද හැමදෙයක්ම මේවන විට එතනය. ජනතාව අතර උනනදුවක් නැත.චිත්‍රපට සංස්ථාවයට හෝ රජයට ඕනෑකමක් නැත.  ටෙලිවිෂන්වලටද ඕනෑකමක් නැත. පත්තරවල ඔය අඹ ගහට පොලු ගහනවා වැනි විචාර හැර වෙනත් ප්‍රමාණාත්මක සංවාදයක් නැත. චිත්‍රපට සංරක්ෂණය ඩිජිටල් අයිතිය නාමයෙන් සේප්පුවට වැටෙන චිත්‍රපට ගීතයට බුද්ධිමට දේපල පනතින් රැකවරණය ලබන්නේ කීයහරි උපයන්නේ මුදලාලි කෙනෙකි. මේනිසා එදා මෙන් වෙනත් රටවල මෙන් චිත්‍රපට සංගීතයද අපට ජනප්‍රි මාධ්‍යක් නොවේ. මෙවැනි දිග ප්‍රශ්න පත්තරයක් ඇත.
මේවා කාට කියනුද.? බලධාරින්ට (අල ධාරින්ට) මාධ්‍ය ආයතනවලට අපි කකුල් ගෙවෙනතුරු ඇවිද, පෑන් ඉවරවෙනතුරු ලියා ඇත. අධ්‍යාපන අමාත්‍යාංශය සහ බුද්ධ සාසන අමාත්‍යාංශය නොවන්ට මෑතකාලයේ නිපදවු දැවැන්ත චිත්‍රපට දරණු විනාශයකට මූණ දෙන්ට ඉඩ තිබුන අතර ඒවා අතර කෙසේ හෝ ළමයින්ට හෝ උපාසකයින්ට පෙන්වා සිනමාශාලාවලට සෙනග ගෙන්වා ගැනීම නොවන්ට පෙම්වතුන්ගෙන් නඩත්තුවෙන සිනමාශාලා බොහෝමයක් ලොවෙත් නැත ලොවි ගහෙත් නැත.
අපිට ලෝකය සමග වෙනස් වෙන්ට නොහැකිවීම අවාසනාවකි. උදේපාන්දර කේන්දර කාරයෝ නැතිව දවස අරඹන්නට හිතන්න බැරි රටක නූතන ඩිජිටල් සිනමා කරුවන් නළු නිළියන් ප්‍රාර්ථනා කිරීමට විහිළුවකි. මේවන විට මතිමතාන්තර වෙනස්ව ඇතැත් තවමත් අපි ලෙස්ටර්ලා පතිරාජලා නතරවු තැනය.  ලෙනින් මොරායස්ලටත් පිටිපසින් ගාමිණි – විජේලා- මාලිනීලාට ගව් ගණනක් දුරින්ය.
අපි චිත්‍රපට හදන්නේ  මහෝෂධ පඩිතුමා දුන් හාල්මිටෙන් කැවිලි – පෙවිලි බත් පිසූ අමරාදේවී මෙන්ය. අවාසනාවකට මෙන් ජාතක කතා පොතේ එන ඒ මැජික් එක කරන්ට හැකි පුතයෙක් සිටිය නොහැක.
මෙය එක ලිපියකින් කථා කරන්නට නොහැකි මාතෘකාවකි. ඔය ගහ මරා ගන්නා හැමෝම හරිය. හර්ෂයා මේහැම ප්‍රශ්නයක්ම මැද චිත්‍රපටයක් කරන්නේ මම වගේම පික්චර් ඇම්මටය. ප්‍රියන්තයා හැට හැත්තෑවේ වින්ද ආතල් එක ගනිමින් හිත් අමාරුවට හර්ෂයාට බැනවදී. මෙය හර්ෂයාගේ හෝ ප්‍රියන්තයාගේ ප්‍රශ්නයක් නොව, මීතොටමුල්ල කුණුකන්ද වැනි 1980 පමණ කාලයේ සිට ගොඩ ගැසුන ප්‍රශ්න කන්දක ගඳය. කැතය.

අද සිනමාවේ තත්වය නම් ඔය අපි ලියන විචාර ගහබැන ගැනීම් අපි අපිටම සීමාවෙන නිසා අවුලක් නැත. චිත්‍රපට නොබලන රටක විචාර කියවන්නට සෙනග කොහෙද  Bro…? හර්ෂ මැණික් සන්ද්‍රසාගර හෝ ප්‍රියන්ත, ජයවිලාල් විලේ ගොඩ නොවේ.එදා බහුබූත සිනමාවට කුඩුවෙන්නට පහර දෙන්න සිනමා කාර්මාන්තයක් තිබුනි. එදා සිටි ප්‍රේක්‍ෂකයා, කාර්මිකයා හෝ සිනමා සංස්කෘතියද අද නැත. දුකයි නේද සහෝ අපි මේකට උත්තර හොයන්නේ නැතිව අපි මරාගෙන මේක ගොඩදාන්ට පුඵවන්නම් මාත් පොල්ලක් අතට අරන් හංදියට එන්නම්.
අද ඕනේ ප්‍රංශ නවරුල්ල වගේ මේ තියෙන අලුත් ප්‍රශ්ණ අභිබවායන්න පුඵවන් පිරිසක්. එදා තිබුන නවරැල්ල අද ඩිජටල් සිනමාවට ආදේශ කරන්න බෑ. ලෝකය සිනමාව, තාත්ෂණය, නිෂ්පාදන ක්‍රමවේද ,ප්‍රේක්‍ෂයා සේරම වෙනස් වෙලා. ඔන්න බහිනවනම්  ගේමට කුහකකම අවලාද මරාගැනීම අතහැරලා ඇත්ත ප්‍රශ්ණෙට මූණ දෙන්ට කැතිපොලු අතරලා වරෙල්ලා.

සිංහල සිනමාවේ ප්‍රශ්නය හර්ෂවත් සුනෙත් මාලිංගවත් නෙවෙයි….. උත්තරය සුනිල් සර්වත් සෝමරත්න අයියවත් උදයකාන්තවත් නෙවෙයි… ඊට එහාගිය උත්තරයක් හොයන්ට කාලය ඇවිත්.. මේ එයට කාලයයි.

කාලෝ අයංතේ මේ පාරෙන් එන්න….

post add media course 01

Leave A Reply

Your email address will not be published.