සාමාන්‍ය පෙළ විභාගය පැවැත්වෙන දිනවල උපකාරක පන්ති තහනම්

7

2019 අ.පො.ස සාමාන්‍ය පෙළ විභාගයට අදාළව පසුගිය මස (26) මධ්‍යම රාත්‍රී 12 සිට විභාගය අවසන් වන දෙසැම්බර් මස 12 වන දා දක්වා සම්පූර්ණ කාලය තුළ සියලු උපකාරක පන්ති තහනම් කර ඇතැයි විභාග දෙපාර්තමේන්තුව නිවේදනයක් නිකුත් කරමින් සඳහන් කරයි.

සියලු විභාග අපේක්ෂකයින් සඳහා උපකාරක පන්ති සංවිධානය කිරීම, එම පන්ති මෙහෙයවීම, විෂයානුබද්ධ දේශන, සම්මන්ත්‍රණ, වැඩමුළු පැවැත්වීම, එම විභාග සඳහා අනුමාන ප්‍රශ්න ඇතුළත් ප්‍රශ්න පත්‍ර මුද්‍රණය කිරීම, ඒවා බෙදා හැරීම, විභාග ප්‍රශ්න පත්‍රවල ප්‍රශ්න ලබා දෙන බවට හෝ ඒ හා සමාන ප්‍රශ්න ලබා දෙන බවට පෝස්ටර්, බැනර්, අත්පත්‍රිකා, විද්‍යුත් හෝ මුද්‍රිත මාධ්‍ය මඟින් ප්‍රසිද්ධ කිරීම හෝ එවැනි දෑ ළඟ තබා ගැනීම සපුරා තහනම් වෙයි.

 2013.06.21 වන දින නිකුත් කරන ලද අංක 1816 දරණ ගැසට් නිවේදනය ප්‍රකාරව 1968 අංක 25 දරන ප්‍රසිද්ධ විභාග පනතෙහි 22 වගන්තිය යටතේ නිකුත් කර ඇති මෙම නියෝගය යටතේ එය උල්ලංඝනය කරන ඕනෑම අයෙක් අත්අඩංගුවට ගැනීමේ හැකියාව පවතීයි.

මෙවැනි විභාග නීති කඩ කිරීමක් සිදු කලහොත් වහාම පහත අංක වලට දැනුම් දෙන ලෙස විභාග දෙපාර්තමේන්තුව දන්වා සිටී.
විභාග දෙපාර්තිමේන්තුවේ ක්ෂණික ඇමතුම් අංකය 1911 පාසල් විභාග සංවිධාන හා ප්‍රතිඵල ශාඛාව 0112 78 42 08, 0112 78 45 37, 0113 18 83 50 /0113 14 03 14

post add media course 01

Comments are closed, but trackbacks and pingbacks are open.